ຈີນ-ສ ເຊັກ ເພີ່ມທະວີສາຍພົວພັນ ຍຸດທະສາດຮອບດ້ານ
ສຳນັກຂ່າວຊິນຮວາໃຫ້ຮູ້ ວ່າ: ວັນທີ 9 ມັງກອນນີ້, ທ່ານ ສີຈິ້ນຜິງ ປະທານປະເທດຈີນ ໄດ້ມີການພົບປະທາງວິດີໂອກັບທ່ານ ເຊແມນ ປະທານາທິບໍດີສ.ເຊັກ ເພື່ອ
ແລກປ່ຽນຄວາມຄິດຄວາມເຫັນຢ່າງເລິກເຊິ່ງກ່ຽວກັບການພົວພັນລະຫວ່າງສອງປະເທດ ແລະ ປະສົບການດ້ານການປົກ ຄອງ-ການບໍລິຫານ ແລະ ຍົກລະດັບການພົວພັນ
ຈີນ-ສ.ເຊັກຂຶ້ນເປັນຄູ່ຮ່ວມມືຍຸດທະສາດ. ໃນການພົບປະດັ່ງກ່າວ, ທ່ານ ສີຈິ້ນຜິງ ຊີ້ອອກວ່າ, 10 ປີມານີ້, ຜູ້ນຳ ຈີນ-ເຊັກ ໄດ້ພົບປະ ແລະ ສົນທະນາທາງໂທລະສັບ
ຫຼາຍຄັ້ງ, ໄດ້ແລກປ່ຽນຄວາມເຫັນຢ່າງເລິກເຊິ່ງກ່ຽວກັບການພົວ ພັນລະຫວ່າງສອງປະ ເທດ ແລະ ປະສົບການດ້ານການປົກຄອງ, ເຊິ່ງໄດ້ຍົກລະດັບການພົວພັນຈີນ-
ເຊັກຂຶ້ນເປັນຄູ່ຮ່ວມມືຍຸດທະສາດ. ທັງສອງໄດ້ຮ່ວມກັນຊຸກ ຍູ້ການແລກປ່ຽນດ້ານເສດຖະ ກິດ-ການຄ້າລະຫວ່າງສອງປະ ເທດ, ວົງເງິນສົ່ງອອກຂອງສາ ທາລະນະລັດ
ເຊັກໄປຈີນໄດ້ເພີ່ມຂຶ້ນເກືອບສາມເທົ່າ ໃນປີ 2019, ຈຳນວນນັກທ່ອງທ່ຽວຈີນທີ່ໄປຢ້ຽມຢາມສາທາລະນະລັດເຊັກໄດ້ເພີ່ມຂຶ້ນ ຫຼາຍເທົ່າ ເມື່ອທຽບໃສ່ປີ 2013. ຈີນ
ໃຫ້ຄວາມສຳຄັນຕໍ່ການພັດທະນາການພົວພັນຈີນ-ເຊັກ, ຖືສາທາລະນະລັດເຊັກເປັນຄູ່ຮ່ວມມືຍຸດທະສາດທີ່ສຳຄັນ, ຍິນດີຮ່ວມມືກັບຝ່າຍເຊັກເພື່ອຊຸກຍູ້ການພັດທະນາ
ການພົວພັນລະຫວ່າງສອງປະເທດໃຫ້ໝັ້ນຄົງ ແລະ ຍາວນານ. ທ່ານ ເຊແມນ ກ່າວວ່າ: ທ່ານເອງເຫັນດີຢ່າງເຕັມທີ່ກັບຄຳເຫັນຂອງທ່ານປະທານປະເທດ ຈີນ ກ່ຽວກັບ
ການພົວພັນລະຫວ່າງສອງປະເທດ. ສາທາລະນະລັດເຊັກຈະຮັກສາມິດຕະພາບກັບຈີນຢ່າງເລິກເຊິ່ງ ພ້ອມທັງຍິນດີຮ່ວມມືກັບຈີນເພື່ອເພີ່ມທະວີການຮ່ວມມືໃນຂົງເຂດ
ເສດຖະກິດ, ການຄ້າ ແລະ ການລົງທຶນ, ແກ້ໄຂຜົນກະທົບຈາກພະຍາດລະບາດ ສາຍພັນໃໝ່, ສືບຕໍ່ພົບປະແລກ ປ່ຽນບຸກຄະລາກອນໃນການພົວ ພັນລະຫວ່າງເຊັກ ແລະ
ຈີນ, ຍິນດີເລີ່ມບົດບາດຢ່າງຕັ້ງໜ້າໃນການຊຸກຍູ້ການພັດທະນາການພົວພັນລະຫວ່າງສະຫະພາບເອີຣົບກັບຈີນອີກດ້ວຍ.
ແຫຼ່ງທີ່ມາ: ໜັງສືພິມກອງທັບ